Die gelykenis van die saaier - Mattheus 13, ‘n Bybel studie met mooi hulpmiddels vir jou Bybel dagboek

 Die gelykenis van die saaier is een van my gunsteling gedeeltes in die Bybel. Daarom was dit vir my baie lekker om hierdie reeks te maak wat juis daaroor gaan!

Dit bevat ‘n 21 bladsy Bybel studie wat saamgestel is uit my eie notas. Dit is mooi uiteengesit met vrae wat geantwoord kan word aan die einde.

Die stel is propvol mooi bykomstighede wat reg is om uitgedruk te word en gebruik te word in jou Bybel dagboek of Joernaal Bybel. 

Daar is ‘n goeie versameling van mooi papier en oulike randjies, so wel as pretjies wat “saam praat” om die boodskap oor te dra. Hierdie reeks is nou beskikbaar in my Etsy winkel asook in my Kofi winkel. Gaan loer gerus in!

Etsy winkel

Kofi winkel

Geloof werk deur liefde-

Geloof werk deur liefde- my nuutste Bybel hulpbron in Afrikaans. As jy belangstel in kreatiewe hulpbronne vir Bybelstudie, besoek gerus my groeiende winkel vir Afrikaans en Engelse hulpbronne wat net uitgedruk kan word en gereed is vir gebruik. Lees ook saam met my oor verskillende onderwerpe deur die Bybel. Hoop ek sien jou daar!

Waarom doen ek ‘n kreatiewe Bybel joernaal en wat is dit?

 Een van my gunsteling dinge om te doen is om elke more vroeg tyd saam met die Here te spandeer! My dag begin net nie reg ek nie hierdie kosbare tyd saam met Jesus gehad het nie. Ek sien uit daarna om Jesus se stem te hoor en nuwe dinge van Hom te leer en dieper te groei in die dinge wat ek reeds geleer het.

Wanneer ek tyd met Jesus in die Woord spandeer dink ek nie aan prentjies nie. Ek is ingestel om in my gees te hoor wat Jesus sê. Dit is die lekkerste ding vir my om later terug te gaan en dit weer en weer te lees en dit is waar ek gewoonlik kreatief raak.Ek verkies om nie my notas in my Bybel te doen nie want ek voeg voortdurend nuwe notas by. Dit maak vir my meer sin om dit in ‘n aparte mooi boek te doen waarin ek meer spasie het en myself kan uitleef wanneer ek wel by die kreatiewe proses kom. Ek kyk so daarna: my Bybel joernaal is vir my eerder die finale boek waarin ek my notas gaan verewig. Ek sal vir ‘n lang tyd ‘n studie doen oor ‘n sekere onderwerp soos die Here my lei. Ek wil uiteindelik ‘n mooi boek  maak van dit wat ek geleer het wat ek oor en oor kan lees. Wie weet dalk kan die boeke my kinders se erfenis word. En al sou dit niks vir niemand anders beteken nie, dan sal dit nogtans vir my iets beteken. Maar van een ding is ek oortuig, ek wil nie my Bybel so bekrap dat ek later nie meer die woorde kan sien nie- my persoonlike keuse, want ek weet ek skryf BAIE notas!

As ‘n kunstenaar en illustreerder was dit nog altyd vir my die lekkerste ding om prentjies van allerhande allerdaagse dinge te teken. Dit het ook ‘n doel gevind. Ek skep nou vir myself mooi versierings wat ek dan in my boeke kan sit. Ek het dit met ander begin deel en gevind dat hulle dit ook graag gebruik. Gewoonlik was dit in Engels maar ek wil baie graag meer Afrikaanse materiaal begin maak as daar belangstelling is.

As jy Afrikaans is en hier lees, sal ek graag van jou wil hoor!

Ek het besluit om my “blokkie” spasie hier op die internet in Afrikaans te begin skryf.

Ek weet nie of enige iemand ooit hier gaan lees nie. As iemand moet, sal hulle seker hier uitkom. Hoekom Afrikaans? Want dit is my eerste taal en omdat ek graag in my eie taal wil dink vir ‘n slag! Ek sal my naam in Engels hou omdat ek reeds oral so bekend is. As jy Afrikaans is en van kreatiewe Bybel studie materiaal hou, hoop ek jy kom kuier gereeld hier! Dit sal lekker wees om jou te ontmoet!

Ek wil graag kreatiewe en mooi hulpbronne ontwikkel vir mense in Afrikaans. Ek weet nie of die belangstelling baie groot gaan wees nie, maar ek sal dit doen uit gehoorsaamheid omdat ek glo dis wat die Here vir my gesê het om te doen.  

Hou hierdie blad gereeld dop vir nuwe dinge wat sal kom! Op die oomblik is alles nog in Engels. Ek plaas voorbeelde in hierdie artikel wat ek hoop binnekort alles in Afrikaans beskikbaar sal wees. As jy hou van die idee en op soek is na so iets, asseblief los n boodskap sodat ek weet daar is belangstelling. Ek sal dit baie waardeer!

Bible journaling

 One of my most favourite things to do is to spend time with Jesus. This is how I like to start my day early in the morning. A conversation starts which will be ongoing throughout the day between me and Jesus. Later after breakfast I sit with my children and the conversation draws them in as well. Me and my husband can go on like this for hours. We just love to talk with Jesus! And my favourite part is how He is always part of every conversation. 

We all love to be creative, especially me and my daughter. Because I love the Word so much I started looking for more ways to use my creativity to make things born out of what inspires me and that is why I started making Bible journaling pages. 

All my Bible journaling pages are born out of my own time in the Word. I draw from what I learn from Jesus and share it with others in a creative way. Sometimes there goes a bit of research into the history and culture of the Bible and it gets really interesting. I am always excited about every new thing I learn through revelation.

If you like to do Bible journaling, you can visit my Etsy shop  to see more of my Bible journaling pages.

I would also like to hear what you think about Bible journaling. If you want to leave a message about your thought on the subject.